Che mbo'eharépe

Teodoro S. Mongelós y Epifanio Méndez Fleitas    

Tamoapesâ che ñe’ê mayma yvoty rekovia
Ha ipype toroañuã ko che py´a renyhê
Hetámi nde chembo’e che mitã’ípe yma
Ha heta mba´e porã aikuaa nderehae.
Upéinte che karia’y ko’ýte che mandu’a
Etémi che akãhatã ha heta roipy’apy
Sapy’ánte nde pochy pe che nambi reipoka
Ha neipamírô guarã vokóikema rembyasy.
Heta ko nderehae oiko chugui karia’y
Ha mañaîpa itavy osê porã joaite
Ajépa oiméne ndave revy’a nde juruvy
Rehecha ramo ipoty, omimbi nde rapekue.
Kokueheve rohecha rehasa mombyrymi
Akói ne kuñataî ava piko toimo’ã
Ha che katu che tuja, osê osêma che atî
Ha che rova anga icha’î mbykýma che raperã.