Chokokue Kerayvoty

Mauricio Cardozo Ocampo

Ohasapáma ro’y
otini ára porã
ojeroky kuarahy
opuraheipa guyra
tempiapokue jahecha
ñande kóga hovyũ.
Ykua yvu ha vy’a
jahahápe jajuhu.
Javy’a ñane retãme
ndaipóri imbojojaha
hi’ãnte ko joayhupápe
jaiko oñondivepa.
Anive ñarorãirõ
anive jaikovai
torýpe ñamba’apo
taimbarete ñande Paraguái.
Kuarahy omimbi jevýne
Francia, Lóperõ guare
jekopyty ha neĩme
ñañombyatypa guive
pehendúke che ñe’ẽ
taipoty pe nde apysápe
ha ko’ẽrõ joayhupápe
ñañuguaitĩ oñondive.